Қорғаныс министрлігі мемлекеттік қызметтік деректерді жіберуде қазақстандық мессенджерді қолдануды бастағанын бірінші болып жариялады.
«Бұған дейін ақпарат көбіне шетелдік мессенджерлер арқылы жіберілетін, бұл кейде қауіпсіздікке қатер төндіруі мүмкін еді», – деп хабарлады Қорғаныс министрлігі.
«Aitu» қосымшасы Қазақстан заңнамасы аясында жұмыс істейді және деректерді сақтау мен өңдеуге қойылатын барлық талаптарға сай жасалған.
Мемлекеттік органдар арасындағы толық көшіру кезең-кезеңімен жүргізіліп, 2025 жылдың соңына дейін аяқталмақ. Бұл қадам елдің ақпараттық қауіпсіздігін нығайтуға бағытталған маңызды бастама ретінде бағаланып отыр.
