Илон Маск негізін қалаған Neuralink компаниясы тағы да ғылыми қауымдастықты таңғалдыруға дайын. Кәсіпкердің айтуынша, ми мен компьютерді тікелей байланыстыратын интерфейс адамның есту, көру және иіс сезу қабілетін қалпына келтіруге жол ашады. Бұдан бөлек, ол шизофрения секілді күрделі психикалық дерттерді емдеуге ықпал етуі мүмкін.
«Neuralink адамның сезім мүшелері мен ми қызметіндегі ақауларды түзетуге мүмкіндік береді. Бұл есту, көру, иіс сезуді қамтиды. Егер біреудің ұстамасы ұстаса, Neuralink оны тоқтата алады. Тіпті шизофренияны да емдеуі ғажап емес. Бұл жүйенің мүмкіндігі әлдеқайда кең», – дейді Илон Маск.
Neuralink чипін алғашқылардың бірі болып сынағандардың қатарында Ник Рэй бар. Ол нейродегенеративті ALS дертіне шалдыққан ерікті. Рэйдің айтуынша, N1 Telepathy чипін қолдана бастағанына небәрі үш күн өтсе де, ол бұрын-соңды сезбеген цифрлық еркіндікті қайта сезіне бастаған.
