2024 жыл бойынша Steam сервисі қызықты деректерді жариялады. Жаңа ойындарға жұмсалған уақыттың үлесі 15%-ды ғана құрады. Бұл туралы PC Gamer журналы хабарлады.
2024 жылы ойыншылардың көпшілігі жаңа ойындардан гөрі өткен жылдары шыққан ойындарға көбірек көңіл бөлген. Алайда, жаңа онлайн ойындар — Helldivers 2, Delta Force және Banana — бұл тенденцияны біраз өзгертіп отыр. Сонымен қатар, 2023 жылы пайдаланушылар жаңа ойындарға тек 9% уақыт жұмсағанын атап өткен жөн.
Статистикаға сәйкес, ойыншылардың ең көп уақыт жұмсаған (47%) ойындары соңғы 1-7 жыл ішінде шыққан. Ал 8 жылдан асып кеткен ойындар өткен жылдың қорытындысы бойынша 37% уақытты қамтыған.
