Мәжіліс депутаттары статистика мен деректерді басқару мәселелері бойынша заң жобасын қабылдады, деп хабарлайды Kapital.kz. Заң аясында әкімшілік деректер негізінде жаңартылатын цифрлық статистикалық регистрлер жүйесі енгізілетін болады.
Депутат Екатерина Смышляева бұл туралы келесідей пікірін білдірді:
— Енді Ұлттық статистика бюросына ақпарат тек мемлекеттік дереккөздерден ғана емес, сонымен қатар жеке салалардан да түспек. Бұған мобильдік операторлар мен табиғи монополиялар субъектілері кіреді. Олар деректерді тегін келісімшарттар шеңберінде ұсынатын болады. Бұл респонденттердің жүктемесін азайтып, статистикалық өндірісті цифрландыру үрдісін жеңілдетеді.
